Pak ditë më parë mbarë opinioni publik u shokua nga lajmi se një nënë lehonë kishte lënë fëmijën e porsalindur në një garazh në Yzberisht. Lidhur me këtë ngjarje të rëndë, ku fëmija ndërroi jetë vetëm nëj ditë pasi u gjend në bodrum, kanë folur edhe nëna e foshnjes Eglantina, mamaja e saj dhe së fundmi edhe vëllai.
Në emisionin “Zemër të Hapur” ka folur ekskluzivisht vëllai i 30-vjeçares nga Pogradeci. Vëllai i Eglantinës është shprehur se nuk ishte në dije të shtatzënisë të së motrës. Ai tha se lajmin e mori vesh në internet dhe theksoi se ndodhet në emigrim. I riu shtoi se djalin, që dyshohet të ketë qenë babai i fëmijës e ka pasur shok.
“Unë kam dyshuar shumë dhe nuk kam mundur t’i them motrës. Kam kap mamin dhe i kam thënë pyete motrën se ka ndryshime. Ajo ka thënë atë punë kini ju. Para një viti e kam ditur që është lidhur me një person edh epse nuk ma thanë, por e kuptova vetë. Pastaj, e kapa mat dhe fola me djalin në fjalë. Kemi qenë shokë. Janë lidhur më përpara dhe pastaj ka marrë numrin tim dhe kemi folur në telefon. Kemi qenë në kafe dhe këtë gjë që ma ka bërë prapa shpine, duke e alkoolizuar motrën dhe ka bërë ato gjëra, unë nuk ia kam falur. Ka një vit dhe nuk më ka treguar asgjë”, tha ai.
