Agjencia e Sigurisë dhe Infrastrukturës Kibernetike (Cisa), e cila njihet si agjensia përgjegjëse në SHBA për monitorimin e votave, ka hedhur poshtë pretendimet e Presidentit aktual Donald Trump, për vjedhjen e votave me postë nga rivali i tij Joe Biden.
Pretendimet e Presidentit në detyrë të SHBA kanë dalë të pabazuara, çka ka ngjallur revoltën e mbështetësve të Trump. Në zonat e votimit në Phoenix, Arizona dhe Detroit, Michigan ka pasur protesta gjatë pasdites së sotme jashtë qendrave të numërimit të votave.
Në mënyrë të organizuar, mbështetës të Trump janë mbledhur në ndërtesën ku numërohen votat duke kërkuar numërimin e çdo vote. Madje ata shkuan akoma dhe më tej, teksa bënin thirrje për arrestimin e zyrtarëve që kanë numëruan votat.
“Bëni zgjedhjet përsëri të drejta” dhe “ne e duam Trumpin”, ishin disa nga parullat në pankarta.
Aktualisht, Joe Biden kryeson garën për në Shtëpinë e Bardhë me 264 vota elektorale (duhen 270 për tu shpallur matematikisht) kundrejt 214 mandateve të siguruara nga Trump./GazetaReforma.com/
