Partia Demokratike ka çuar në SPAK padi për gazetarin Carlo Bollino, njëkohësisht dhe pronar i Report TV.
Mësohet se këtë herë ai akuzohet se në bashkëpunim me kryeministrin Rama dhe ministren Denaj, kanë falsifikuar dokumentat për të marrë 1500 metra katror tokë në favor të Bollinos.
Ishte Belind Këlliçi ai që publikoi faktet e falsifikimit të një VKM-je të qeverisë, mbi të cilën u zbardh leja e ndërtimit për Report TV dhe më pas u ndërtua godina e re sipër rrënojave të ish-godinave të repartit të orëve.
Ky truall mësohet të ketë qenë nën pronësi të familjes Begeja, e cila e kishte falur për ndërtimin e një shkolle, por që e shfrytëzoi Carlo Bollino.
Më tej, Noka u shpreh se Edi Rama dhe Anila Denaj, kanë falsifikuar vendimet zyrtare, për t`i dhënë truallin dhe godinat Carlo Bollinos, ndërsa i bëri thirrje SPAK të hetojë këtë aferë.
Gjithashtu, Belind Këlliçi i bëri thirrje SPAK, që në këtë aferë, të hetojë edhe paratë që Carlo Bollino ka përfituar nëpërmjet kompanisë C-7, e cila ka marrë tendera publikë nga AKSHI.
