Modelja dhe këngëtarja Afërdita Dreshaj së shpejti do të bëhet nënë për herë të parë.
Afërdita dhe bashkëshorti i saj çek, Jakub Kindl, janë në pritje të një djali i cili do të vijë në jetë në muajin mars të vitit 2021.
Përmes rrjeteve sociale, bukuroshja Dreshaj ndau me ndjekësit e saj festën e organizuar me familjarët e saj dhe të Jakubit për zbulimin e gjinisë së fëmijës dhe kanë mësuar se do të bëhen prindër të një djali. Në video Afërdita dhe Jakub shfaqen shumë të lumtur, ndërkohë që bërtasin e përqafojnë njëri-tjetrin pasi marrin vesh gjininë.
“Do të bëhemi me djalë! Vogëlushi Kindl po vjen, mars 2021”, ka shkruar Dreshaj.
Kujtojmë se bukuroshja shqiptare dhe hokejisti çek para dy vitesh kurorëzuan dashurinë me martesë në një ceremoni mjaft luksoze në Miami.
