Pas arrestimit të ish-ministrit Lefter Koka, i akuzuar për shpërdorim detyre, pastrim parash dhe korrupsion dhe gjithashtu shpalljes në kërkim për aferën e inceneratorëve të Klodian Zotaj dge Stela Guallja, ka reaguar edhe kryedemokrati Basha.
Lulzim Basha paralajmëroi se dy personat e shpallur në kërkim nga SPAK për aferën e inceneratorëve, Klodian Zoto dhe Stela Gugallja duhen gjetur përpara se t’i vrasë dikush.
Basha e konsideroi arrestimin e Lefter Kokës si frytin e parë të betejës së tyre, ndërsa theksoi se nuk duhet të ndalet me aq.
Kreu i PD-së shtoi se gjithashtu duhet të vihen në ndjekje edhe kryeministri Rama, Damian Gjiknuri, Arben Ahmetaj, Armando Subashi, Qazim Sejdini.
“Fryti i parë është arrestimi i një ministri të Ramës. Duhet vënë në ndjekje penale kryeministri, Damian Gjiknuri, Arben Ahmetaj, Armando Subashi, Qazim Sejdini. Duhet gjetur këta që janë në kërkim, pa i vrarë ndokush në veçanti Stela. Të nisen letërporositë dhe të gjenden pronarët e llogarive. Padiskutim që ka edhe afera të tjera. Por sot do bëj të gjitha përpjekjet e mia që t’ju jap fuqi ju si gazetarët dhe kurajo mediave tuaja që të mos i ikin as sot, as nesër dhe pasnesër të këtij skandali”, us hpreh Basha.
Kujtojmë që në njoftimin zyrtar për arrestimin e ish ministrit Lefter Koka, SPAK zbardhi skemën korruptive të inceneratorit të Elbasanit, sipas të cilit, Lefter Koka asokohe ministër i Mjedisit, ka përfituar nga dy kompanitë koncensionare, rreth 3.6 mln euro.
Bëhet fjalë për kompanitë, shoqëritë tregtare “Albtek Energy” sh.p.k. dhe “Integrated Technology Services” sh.p.k, të drejtuara nga biznesmeni Klodian Zoto dhe Stela Gugallja. Në kuadër të veprimeve hetimore SPAK konstaton se nga shoqëritë tregtare “Albtek Energy” sh.p.k. (shoqëria që ka përfituar konçensionin) dhe “Integrated Technology Services” sh.p.k. (shoqëria që ka zbatuar punimet për ndërtimin e objektit të konçensionit) janë pranuar fatura tatimore shitje dhe janë paguar detyrimet financiare për këto fatura tatimore për disa shoqëri tregtare, për punime që në të vërtetë nuk janë kryer nga këto shoqëri tregtare.
