Aeroporti i Vlorës do të të mundësojë fluturime transoqeanike, sipas kryeministrit Edi Rama.
Gjatë fjalimit nga kantieri ku sot nisi puna për ndërtimin e Tunelit të Llogorasë, Rama tha se brenda pak javësh do të nisë puna dhe për aeroportin e Vlorës.
Sipas kryeministrit aeroporti i Vlorës do të jetë një eroport ndërkombëtar që do të sjellë një vlerë të shtuar, pasi do jetë i një kategorie të lartë.
Kategoria e aeroportit të Vlorës do të jetë 4E, ndër më të lartat sipas standarteve europiane, që do të ofrojë lundrime kudo dhe kapacitete fluturimesh transoqeanike.
Po ashtu sipas Ramës, në aeroportin e Vlorës do të ofrohen shërbime që aktualisht akoma nuk i ka aviacioni civil shqiptar, por që më vonë do të jenë të mundura.
“Për pak ditë, pas një kalvari të vërtetë, ne do të ngremë kantierin e aeroportit të ri të Vlorës. Do të jetë një aeroport ndërkombëtar, por jo vetëm kaq. Do të jetë një aeroport që do të sjellë vlerë të shtuar si një aeroport i një kategorie të lartë. Kategoria 4E, ndër më të lartat sipas standardeve europiane, që do të ofrojë fluturime kudo, edhe kapacitete fluturimesh transoqeanike dhe shërbime që sot, ende nuk i ka aviacioni civil shqiptar, që më pas do të jenë të mundura edhe për aeroportin ‘Nënë Tereza’.”
