Mjekët toksikologë kanë ngritur alarmin për konsumin e drogërave të forta nga moshat e reja. Në një intervistë për Top Channel mjeku toksikolog Zihni Sulaj ka thënë se përzierja e drogës me lëndë të tjera toksike mund të rrisë efektin e saj tek përdoruesi, por njëkohësisht shton edhe dëshirën për konsum të madh. Gjatë periudhës së kur vendi ynë ishte në izolim nga pandemia COVID-19 2 persona kanë ndërruar jetë nga overdoza. Mjeku Sulaj ka treguar se tregëtuesit e drogës i përziejnë me medikamente të ndryshme për të rritur efektin
“Efektet toksike të drogave më së shumti qëndrojnë të përziersit, tek shtesat që bëhen, se sa tek ventë produkti aktiv i drogës. Pandemia e ka çuar në një përmbysje të tablosë epidemiologjike të përdoruesve. Shpesh për të arritur efektin në mungesë të sasive këta përdorin shumë medikamente. Përziejnë shumë qetësuse, antidepresiv, i përziejnë bashkë me drogën dhe e injektohen çka e bën edhe më të rëndë këtë. Ne kemi konstatuar 2-3 raste overdozë të shoqëruar me përfundim vital.”, është shprehur Sulaj.
Më tej Sulaj ka thënë se është rritur konsumi i drogës nga femrat e grup-moshës 17-18 vjeç
“Ata që kanë një punë të mirë dhe burim të ardhurash financiare të sigurta dhe shumta e preferojnë që drogën ta pinë në grup. Por nga ana tjetër fatkeqësisht kanë filluar që drogën ta konsumojnë shumë femrat 17-18 vjeçe.”, ka thënë mjeku
