Prokuroria në Fier ka bërë të ditur se dy të rinj janë proceduar penalisht pasi kanë kryer veprime me natyrë seksuale ndaj djalit të tyre të mitur dhe më pas kanë publikuar pamjet në rrjetin social “TikTok”. Sipas njoftimit të Prokurorisë pranë Gjykatës së Shkallës së Parë të Juridiksionit të Përgjithshëm, pas një hetimi të kryer, rezultoi se shtetasit S.K. dhe F.K., bashkëshorte, janë akuzuar për kryerjen e këtyre veprimeve.
Në lidhje me këtë ngjarje, Prokuroria ka regjistruar procedimin penal nr.971/2024 dhe me urdhër të prokurorit, shtetasja S.K. është ndaluar për dyshimet e veprave penale “Marrëdhënie seksuale ose homoseksuale me të mitur” dhe “Pornografia”, sipas neneve 100/1 dhe 117/2 të Kodi Penal. Po ashtu, shtetasi F.K. është arrestuar në flagrancë për dyshimet e veprave penale “Vepra të turpshme” dhe “Pornografia”, sipas neneve 108/2 dhe 117/3 të Kodi Penal.
Hetimet vazhdojnë për të zbardhur plotësisht rrethanat e ngjarjes dhe për të siguruar drejtësi për të miturin e prekur në këtë rast.
Njoftimi i Prokurorisë:
Prokuroria pranë Gjykatës së Shkallës së Parë të Juridiksionit të Përgjithshem, Fier, në bashkëpunim me policinë gjyqësore bënë të mundur dokumentimin ligjor lidhur me ngjarjen e publikuar në aplikacionin “Tik Tok”, ku pas hetimi të bërë ka rezultuar se, se shtetasit S.K. dhe F.K (bashkëshorte), kryenin veprime me natyrë seksuale ndaj djalit të tyre të mitur i moshës 2-vjeç dhe i publikonin në vijim në aplikacionin “Tik Tok”.
Në lidhje me këtë ngjarje, Prokuroria pranë Gjykatës së Shkallës së Parë të Juridiksionit të Përgjithshëm Fier, regjistroi procedimin penal nr.971/2024 dhe me urdhër të prokurorit u ndalua shtetasja S.K, e dyshuar për kryerjen e veprës penale “Marrëdhënie seksuale ose homoseksuale me të mitur” dhe “Pornografia” parashikuar nga neni 100/1 dhe neni 117/2 i K.Penal. Gjithashtu, u arrestua në flagrancë shtetasi F.K., i dyshuar për kryerjen e veprës penale “Vepra të turpshme” dhe “Pornografia” parashikuar nga neni 108/2 dhe neni 117/3 i K.Penal.
