Ditën e sotme tre të rinj shqiptarë u arrestuan nga karabinierët e Compagnia di Corsico, në një hetim nga prokurorja milaneze Rosaria Stagnaro e departamentit të drejtuar nga deputetja Letizia Mannella, për dhune seksuale në grup, me abuzime të tmerrshme në një dhomë moteli, duke përfshirë kafshime, goditje dhe duar në fyt “deri sa t’i merrnin frymën”, kundër një 23-vjeçareje.
23 vjeçaria me origjinë nga Haiti, takoi njërin prej tyre gjatë një feste në një klub në Milano dhe ishte larguar me njërin prej tyre duke rënë dakord për një “shërbim seksual me pagesë”.
Të tre, 23, 21 dhe 29 vjeç, përfunduan në burg dy ditë më parë me urdhër të gjyqtarit hetues të Milanit Alessandra Di Fazio.
Në dhomën e motelit mëngjesin e 3 majit të kaluar hynë edhe vëllai dhe kushëriri i të riut që kishte shoqëruar gruan me origjinë nga Haiti. E reja, siç thuhet në urdhëresë, i ka lutur vazhdimisht të treve që të ndalojnë, pasi kanë vazhduar me dhunë të tmerrshme, por ata e kanë urdhëruar që të “hesht”.
Ata gjithashtu filmonin abuzimin me telefon dhe fotografonin. Ka qenë e njëjta grua që ka denoncuar gjithçka atë mëngjes tek karabinierët dhe hetimet e muajve të fundit kanë çuar në tre arrestimet.
