Më 7 shkurt Shërbimi i Çështjeve të Brendshme dhe Ankesave(SHÇBA) pezulloi nga detyra 7 policë të komisariatit të Krujës: Xhevair Babasi, punonjës i Patrullës së Përgjithshme; Sabri Danaj; Muharrem Celami, Nuri Sefa, Kadri Daci, Dervish Sana ndihmës/specialist për Rendin; dhe Fatmir Beqaj punonjës i Patrullës së Përgjithshme.
Sipas njoftimit të parë të SHÇBA-së dyshohet se ata kanë shpërdoruar detyrën dhe janë përfshirë në favorizimin e kultivimit të kanabisit, ndërtimeve pa leje, duke mos raportuar ngjarjet.
Po ashtu, u bë me dije se 2 prej tyre kanë ngacmuar seksualisht, gratë që denonconin burrat e tyre për dhunë.
Mirëpo, Gjykata e Krujës sot ka vendosur për kthimin në punë të 2 prej këtyre efektivëve të Policisë: Kadri Daci dhe Muharrem Celami.
Përveç faktit që i ka rikthyer në punë nuk ka bërë me dije nëse akuzat ndaj tyre kanë rënë apo jo.
Sa i përket 5 efektivëve të tjerë, Gjykata e Krujës caktoi masat e sigurimit personal “Pezullim nga detyra” dhe “Ndalim i daljes jashtë shtetit”.
