Ambasadorja e SHBA-së në Shqipëri , Yuri Kim, duke qenë se sot është Dita Botërore për Parandalimin e Abuzimit të Fëmijëve, ka bërë një deklaratë duke i përçuar një mesazh shtetit shqiptar.
Me anë të një postimi në faqen zyrtare në rrjetin social Facebook, Kim ka shkruar se shteti shqiptar duhet të bëjë më shumë për të siguruar një vend më të sigurt për rritjen e fëmijëve.
Më tej ambasadorja Kim ka sugjeruar se Shqipëria mund ta luftojë abuzimin e fëmijëve duke zbatuar ligjin dhe duke punuar me shoqërinë civile. Ajo dha një mesazh të rëndësishëm për shtetin shqiptar duke bërë thirrje që të gjithë autorët që abuzojnë me fëmijët të futen në burg.
Postimi i Yuri Kim:
“Në Ditën Botërore për Parandalimin e Abuzimit të Fëmijëve ne kujtojmë detyrën tonë për të siguruar një vend të sigurt për rritjen e fëmijëve.
Shqipëria mund të luftojë abuzimin dhe neglizhimin e fëmijëve duke zbatuar ligjin dhe duke punuar me shoqërinë civile. Vendosni autorët në burg dhe lërini fëmijët të jenë fëmijë!”, ka shkruar Kim./GazetaReforma.com/
