Një ngjarje e rëndë në Vlorë, ku një 26-vjeçare është përdhunuar nga në grup djemsh ka tronditur opinionin publik. Ndërkohë që janë zbardhur detaje të reja, ku mësohet se në ngajrje kanë marrë pjesë 4 persona, jo 3.
Në pranga kanë përfunduar Oltjan Tahiri, 31-vjeç dhe Albi Ceno 28-vjeç, ndërsa Gentjano Mehmeti 32-vjeç është shpallur në kërkim.
Personi i katërt i cili ka marrë pjesë në ngjarje, nuk është ngjitur në dhomë. Këta persona, dyshohet t’i kenë dhënë vajzës lëndë narkotike dhe më pas kanë abuzuar seksualisht me të. Fillimisht ata kanë qenë të ulur në një bar së bashku, ku dyshohet se i kanë dhënë vajzës kokainë. Më pas, tre prej tyre janë ngjitur në dhomën e hotelit bashkë me vajzën, e cila nuk ishte e vetëdijshme. Dyshohet se të tre djemtë, kanë abuzuar seksualisht me vajzën.
26 vjeçarja është gjetur në rrugë pa ndjenja mëngjesin e shtunë nga stafi i hotelit. Po ashtu, burime thonë se të rinjtë kanë qenë duke festuar daljen nga burgu të një prej shokëve të tyre.
Sipas mjekëve, vajza ka qëndruar pa ndjenja për disa orë në spital, më pas është përmendur. Ndërkohë që ajo vijon të qëndrojë në reanimacion, në gjendje më stabël, por akoma e shokouar nga e gjitha çfarë i ka ndodhur. Faqja ‘Disidentët’ shkruan se familjarët e autorëve kanë shkuar në reanimacion, aty ku ndodhen vajza, për ti bere presion që të ndryshojë dëshmi.
