Ditën e sotme, anëtarja e këshillit bashkiak të Partisë së Lirisë në Bashkinë e Tiranës, Eriona Bixha denoncoi situatën me abonetë e urbanëve për linjat e kryeqytetit që do të munden të përdorin studentët gjatë vitit të ri akademik.
DEKLARATA E PLOTË E BIXHËS:
Edhe pak ditë na ndajnë nga nisja e vitit të ri akademik në auditoret e universiteteve.
Sveçla: Brenda makinave të terroristëve serbë u gjetën harta e plane që tregojnë për një sulm të mirëorganizuar
Në mbledhjen e fundit në Këshillin Bashkiak të Tiranës, miratuam një vendim me qëllimin për t’i ardhur në ndihmë buxhetit të studenteve, i cili ka të bëjë me ‘kompensimin e biletës së pajtimit mujor të përgjithshëm për studentët e pajisur me kartë studenti në transportin qytetas në Bashkinë Tiranë’.
Pavarësisht pikëpyetjeve dhe sygjerimeve të këshilltarëve opozitar në komisionin përkatës dhe në seancën e mbajtur Bashkia Tiranë solli një projekt-vendim me mangësi dhe aspak gjithëpërfshirës për këtë target grup.
Pikë së pari, ky shërbim nuk do të përfshijë të gjitha linjat urbane që operojnë në Bashkinë e Tiranës. Vërtet, sot propagandohet për një Tiranë policentirike por në realitet i gjithë aktiviteti akademik, ekonomik, social, kulturore etj vazhdon të mbetet vetëm në qendër të Tiranës.
Zbulohet arsenali i armëve i përdorur gjatë sulmit terrorist në Kosovë, armatimet i përkasin ushtrisë serbe
Ndaj, studentët që vijnë nga ish-Komunat e që sot janë pjesë e Bashkisë së madhe të Tiranës si Farka, Bërzhita, Dajti, Vaqarri, Petrela, Zall Herri e Zall Bastari nuk përfitojnë nga ky shërbim.
Së dyti, ky shërbim nuk jepet falas për të gjithë vitin, por për një pjesë të tij, me pretekstin se mbulon vetëm vitin akademik, duke harruar se studentët bëjnë jetë aktive gjatë gjithë vitit në Tirane jo vetëm akademike, por edhe profesionale.
Pa harruar, që duke parë gjendjen tejet të vështirë ekonomike që kanë sot familjet shqiptare e sidomos nëpër qytetet e tjera të Shqipërisë studentëve iu duhet të punojnë me domosdoshmëri për të mbuluar kostot e studimeve por edhe për të mbajtur familjet e tyre nëpër rrethe shpesh herë.
Këtë të fundit, drejtuesit e Bashkisë Tiranë e justifikojnë me faktin e kostos shumë të lartë për t’a përballuar gjithë vitin abonenë falas, kur po atë ditë në mënyrën më abuzive, me korruptive, me paradoksale por me forcën e kartonit kryetari i bashkise së bashku me këshilltarët e maxhorancës shtuan një pagesë prej 5.7 milionë eurosh për koncesionin e shumëpërfolur të inceneratorit i cili aktualisht ndodhet nën sekuestron e SPAK.
“S’dua më hakmarrje, por Drejtësi”/ Hodhi miliona për vrasjen e 7 personave, Alibej: Dumani zgjodhi rrugën e masakrës, unë doja vetëm kokën e Talos
Patjetër, që nëse këto të ardhura nuk do i hiqeshin buxhetit të arsimit, ne nuk do ndesheshim me ato pamje jo të zakonta që u raportuan nga Rezidenca Studentore Universitare numër dy (Konviktet e Mjekësisë) , ku personat përgjegjës të bashkisë shpërndanin në ajër për studentët dhomat e konvikteve. Nuk kishte asnjë radhë në shpërndarjen e çelësave dhe dhënia e dhomës bëhej: Kush i kapte i pari numrin nga dora e personit që po i shpërndante.
Ky është trajtimi, vlera dhe rëndësia që Kryeqyteti Europian I Rinisë, Kryeqyteti Europian i Sportit e shumë e shumë tituj të tjerë që Erion Veliaj i vendos punës së tij, iu japin të rinjve.
Asgjësohen 5241 bimë kanabis, në operacion morën pjesë 2000 policë, dronë dhe helikopterë
Urojmë që ky vit i ri akademik të ketë sa më pak burokaci dhe abuzime në shërbime që iu përkasin studentëve dhe të rinjve, duke filluar nga aboneja e studentit për të cilën Bashkia e Tiranës duhet të marrë masa që tani që në të shtatë pikat e shpërndarjes në kryeqytet të jetë një proces i aksesueshëm dhe i shpejtë për studentët dhe larg nga ngjarjet e ndodhura deri më tani.
