Zv.ministrja e Shëndetësisë, Mira Rakacolli deklaron se për rastin e vetëvrasjes së Xhino Koçës ka një hetim dhe fjalën e fundit e ka drejtësia.
“Ka një hetim për këtë e tha shumë bukur zonja në fjalë, “Fjalën do ta kenë ekspertët”. Unë vazhdoj ta mbështes fjalën e nënës. Do të ketë një hetim të thellë dhe transparent. Nëse ka patur neglizhencë, secili do të mbajë përgjegjësitë e veta|”, deklaroi numri dy i Shëndetësisë në “Open”.
Në të njëjtin emision, mjeku Artan Koni tha se ka neglizhencë të përgjithshme.
“Nuk shoh asnjë neglizhencë personale, por shoh një neglizhencë të përgjithshme. Ne i bëjmë tamponin dhe skanerin, por anashkalojmë se si po ndihet pacienti. Kjo ndodh edhe sepse ka shumë raste”, deklaroi mjeku.
Ndërkaq Shehu tha se “Prokuroria nuk do japë asnjë zgjidhje. Më besoni mua se kam eksperiencë. Dua të shpreh konsideratën për kolegët e mi mjekë. Nuk është faji i tyre. E them si mjek se s’jam prokuror. Problemi është çik më i gjerë. Duke folur pa emocione për gjënë që ndodhi. Është krijuar një shërbim kaq larg qytetarëve sa i ka terrorizuar. Është krijuar një mbingarkesë nëpër spitale që i frikëson”.
/GazetaReforma.com/
