Komisioni i Ligjeve, ka marrë në pyetje kandidatët e kualifikuar për postin e Komisionerit Publik, sot gjatë një mbledhje online.Mbledhja është drejtuar nga kryetari i Komisionit të Ligjeve, Ulsi Manja, i cili i ka pyetur kandidatët nëse kanë qenë të dënuar ose jo.
Në mbledhje kanë qenë kandidatët: Jonaid Myzyri, Taulant Godroli, Denis Martopullo, Arlinda Pogaj, Klodian Gllava, Nikollaq Neço dhe Klement Greca, të cilët pasi janë prezantuar kanë folur edhe për risitë që mendojnë të sjellin në krye të këtij posti.
Gjatë fjalës së tyre kandidatët thanë se nevojitet përmirësimi i teknikës legjislative. “Modeli që na afrohet më shumë është modeli kroat për shqyrtimin e ankesave”,- tha Jonaid Myzyri.
“A keni qënë i dënuar për kryerjen e ndonjë vepre penale”, ishte kjo pyetja e Manjës për njërin prej kandidatëve gjatë bashkëbisedimit.
Ndërkohë Adnor Shameti, kritikoi kolegët në komision që të mos e kthejnë këtë mbledhje në marrje në pyetje sikur kandidatët të ishin nxënës shkolle.
