Ditën e sotme është mbajtur takimi mes partive opozitare në vendin tonë, ku u krijuar dhe Federata e Opozitës, e cila nënkupton bashkimin e të djathtëve pas përçarjes së tyre 1 vit më parë.
Pas këtij takimi, kryetari i Grupit Parlamentar të Partisë Demokratike, Gazment Bardhi është pyetur nëse do të ketë vend për Lulzim Bashën në këtë tryezë.
Gjatë deklaratës për mediat, Bardhi ka theksuar se kushdo që ka marrë ftesë dhe ndihet opozitar duhet të vijë, pasi është e vetmja rrugë, madje edhe Basha, i cili deri tani nuk është bashkuar me pjesën tjetër të opozitës.
“Kushdo që është në opozitë dhe ndihet si i tillë e vetmja rrugë për tu forcuar është të bëhemi të gjithë bashkë. Nuk shoh asnjë rrugë tjetër për t’u përballur me një qeveri që po bashkohet, për shkak të përçarjes së opozitës”, u shpreh Bardhi.
