Ditën e sotme Komiteti i Ekspertëve është mbledhur për të shqyrtuar masat e reja anti-COVID.
Ka qenë profesor Dhimitër Kraja ai që ka dhënë detaje në lidhje me situatën në spitale dhe shtrimet. Ai ka treguar se të shtruar në spitale aktualisht janë 230 pacientë, ndërsa kapaciteti i vendeve të lira është rreth 30%.
Kraja ka treguar se mes të shtruarve ka edhe gra shtatzëna dhe mosha të reja deri në 19-vjeç. Ai ka thënë se të intubuar janë 13 persona.
“Në spitalin Covid 1 dhe 3 në QSUT, ndodhen të hospitalizuar 230 pacientë. Kapaciteti është i disponueshëm, pasi kapaciteti prej 30 % është u lirë. Të shtruarit vijnë kryesisht nga Tirana, Durrësit, Elbasani, por dhe nga rrethet të ndryshme. Grupmoshat janë nga 19 vjeç deri në 89 vjeç. Mbizotëron mosha 50-60 vjeçe. Në këtë fazë ka më shumë raste të grave shtatzëna që vijën me CVID, një pjesë e të cilave janë dhe me forma serioze. Rreth 95% e rasteve janë të pavaksinuar. Sa i përket formave klinike, rreth 63% e rasteve paraqesin forma të mesme, të rënduara. 24 % janë forma të rënda dhe 13 % forma kritike. Të intubuar janë 13, në sipap janë 16 pacientë. A ka fatalitet nga rastet e vaksinuara? Ka dhe ato janë më të vogla. Janë praktikisht 0.0.06% e tyre. vdekjet ditore luhajten nga 5.1-5.4%.”, tha ai.
