Sot Taulant Balla takoi presidentin Ilir Meta, teksa vendosën së bashku mbi datën e mbajtjes së zgjedhjeve lokale. Në kuadër të zgjedhjeve të pjesshme lokale për gjashtë Bashkitë e mbetura në pritje, Presidenti Meta i ka bërë thirrje këtë të mërkurë partive politike që të marrin pjesë në një konsultim për caktimin e datës së zgjedhjeve.
Ndërkohë pas takimit ka ardhur reagimi i Lulzim Bashës. I pyetur në “Ora News” nëse shpallja e zgjedhjeve të pjesshme vendore është një tentativë nga Presidenti Meta për të zënë në ‘kurth’ Bashën në këtë situatë të vështirë për PD-në, kryedemokrati u shpreh se PD nuk do iki asnjë beteje.
Pjesë nga biseda
Pyetje:
Duket sikur sot ju keni të gjithë faktorët politikë kundër. Duke mos përmendur vetëm z.Berisha, por dhe z.Meta ka dalë hapur kundër jush. Nëpërmjet një lëvizje, njoftoi mbajtjen e zgjedhjeve të pjesshme vendore, dikush e lexoi si përpjekje për të futur në kurth Lulzim Bashën përshkak situatës që po kalon PD. A jeni të gatshëm ju për këtë betejë?
Basha:
PD nuk do t’i iki asnjë beteje, përfshirë dhe zgjedhjet vendore. Kjo që po ndodh nuk është thjeshte përplasje midis mendimeve ndryshe për pluralizmin, por është ndryshim kulturor që po ndodh pas 31 vitesh. Në një vend normal demokratik faktori më i rëndësishëm është qytetari. Shqiptarët duan ndryshimin dhe ne do bëjmë cc’mos për ta sjellë këtë ndryshim.
Pyetje:
Jeni i gatshëm për të qenë ndryshe?
Basha:
Unë gjithmonë jam munduar të sjell diccka ndryshe. Në të gjitha betejat, arma më e fortë ka qenë modeli ndryshe nga ky që tashmë mbush 31 vite të personazheve kryesore të tranzicionit, që kanë pasur një mision ndoshta, por tashmë nuk kanë ccfarë ofrojnë më.
