Ditën e djeshme një aksident tragjik ndodhi në Astir në Tiranë.
Ndërkohë drejtuesi i mjetit 30-vjeçari P.M., i arrestuar tashmë nga policia, ka rezultuar se nuk ka qenë nën efektin e alkoolit apo lëndëve narkotike pas testit të bërë nga shërbimet e policisë rrugorë. Ndërsa viktima i identifikuar, është 67-vjeçari P.G.
Theksojmë se Policia e Tiranës ka arrestuar shoferin e automjetit që përplasi për vdekje kalimtarin pasditen e djeshme në Unazën e Madhe në kryeqytet. 30-vjeçari Preng Marku po lëvizte me makinën e tij tip Benz, kur një i ri ende i paidentifikuar tentoi të kalojë rrugën duke kapërcyer barrierat.
Siç shihet përplasja ka qenë tejet e fortë, çka i shkaktoi vdekjen e menjëhershme të riut, për identifikimin e të cilit po kryen verifikime policia. Po gjatë mbrëmjes së të dielës një tjetër aksident i rëndë u regjistrua në aksin rrugor Sukth-Manzë ku një automjet përplasi një motor.
Për pasojë ndërroi jetë pasagjeri ndërsa drejtuesi i motomjetit ndodhet në spital nën kujdesin e mjekëve. Ky i fundit disa orë më vonë u arrestua nga policia pasi rezultoi se lëvizte motorin pa targa.
Për ngjarjen në pranga përfunduan dhe dy persona të tjerë konkretisht Hasi Hasbiu dhe Amonali Halili. Ka qenë pikërisht ky i fundit shoferi që ka përplasur fillimisht motomjetin e që është larguar. Më pas të njëjtin veprim ka kryer dhe personi tjetër Hasi Hasbiu që ka goditur për të dytën herë pasagjerin që mbeti viktimë.
Pasi e kanë përplasur për vdekje shoferët janë larguar nga vendngjarja dhe tashmë akuzohen për veprat penale “Shkelja e rregullave të qarkullimit rrugor”, me pasojë vdekjen e një shtetasi, dhe “Largimi nga vendi i aksidentit”.
