Astrit Patozi, pak ditë më parë themeloi dhe rregjistroi Partinë Bindja Demokratike, duke iu shtuar kështu listës së partive që do të marrin pjesë në zgjedhjet lokale të 30 qershorit.
Menjëherë pas zyrtarizimit të ‘Bindjes Demokratike’, Patozi u sulmua drejtpërdrejt nga PD-ja dhe LSI-a, se po i shërben Ramës dhe Qeverisë së tij, madje deri aty sa u tha se projekti ishte i vetë Ramës. Por Astrit Patozi e hedh poshtë këtë akuzë. Në emisionin “opinion” ai tha se çdo kush ka të drejtë të jetë skeptikë.
“Në asnjë mënyrë nuk i shërbejmë Edi Ramës. Ju jeni në të drejtën tuaj të jeni skeptikë. Edhe historia e politikës shqiptare e tillë ka qenë. Koha është ajo që do e provojë, ” -tha Patozi.
Emra të rëndësishëm që ishin pjesë e PD duket se nuk do të jenë në rrugën e tij.
Kështu Bindjes Demokratike nuk i janë bashkuar as Jozefina Topalli, as Arben Imami apo Ridvan Bode.
