Shqipëria arriti të fitojë 3-2 “finalen” e grupit 4 të Ligës C në Nations League, ndaj Bjellorusisë.
Kjo fitore ka qenë edhe më e rëndësishmja e trajnerit Edi Reja nën drejtimin e Kombëtares tonë. Tekniku italian ka marrë drejtimin e skuadrës tonë më 4 mars të vitit 2019 duke zëvendësuar Panuçin e shkarkuar.
77-vjeçari ka marrë shpesh kritika në lidhje me drejtimin e skuadrës shqiptare dhe kjo për shkak të rezultateve të dobëta.
Ditën e sotme pas fitores ai u shpreh se i mirëpret të gjitha komentet dhe se në momentin që e sulmonin kjo e motivonte më shumë.
Grupi më të cilin ishin në Nations League ka qenë realisht i dobët dhe këtë e shprehur edhe Cikalleshi pas takimit.
Takimi:
Goli i parë erdhi nga një goditje e bukur e Cikalleshit me kokë, pas një krosimi të Memollës. Sulmuesi kavajas dyfishoi rezultatin 7 minuta më vonë me penallti, pas një faulli të portierit bjellorus ndaj Manajt.
Miqtë shkurtuan rezultatin me Skavysh në minutën 35, pasi shmangu Ismajlin, por në fund të pjesës së parë ishte Manaj që përfitoi duke krijuar sërish avantazhin e dyfishtë.
Në minutën e 80, Ebong shkurton diferencën, duke shkaktuar drithërima në ekipin tonë, që u mbyll në mbrojtje në pjesën e fundit të ndeshjes.
Pavarësisht përpjekjeve të miqve, kuqezinjtë ruajtën të paprekur portën dhe e mbyllën grupin në vendin e parë me 11 pikë, një pikë më shumë sesa Bjellorusia.
Kjo fitore e ngjit kombëtaren në Ligën B në edicionin e ardhshëm të Ligës së Kombeve.
/GazetaReforma.com/
