Coronavirusi vijon të gjunjëzojë Italinë dhe në 24 orët e fundit janë regjistruar 602 viktima dhe 3,780 të infektuar duke e çuar numrin total në 7, 432 vdekur dhe 63, 928 të prekur.
Ndonëse numri mbetet i lartë, duket se kurba ka filluar të ulet pasi dje u regjistruan 651 të vdekur, ndërsa të shtunën 793 viktima.
Kështu, Italia mbetet vendi me më shumë viktima, pasi ia ka kaluar edhe Kinës, ku lindi virusi rreth 3 muaj më parë.
Duket se beteja kundër Coronavirusit po bëhet çdo ditë dhe më e ashpër në Itali, pasi virusi nuk po kursen as bluzat e bardha pasi deri tani 23 mjekë kanë humbur jetën.
Me anë të një njoftimi për shtyp, “Federata Italiane e Mjekëve” është shprehur se teksa të dhënat zyrtare të punonjësve shëndetësorë të infektuar rriten çdo orë e më tepër, shumë mjekë vdesin befas, edhe nëse shkaku i vdekjes nuk i atribuohet drejtpërdrejt virusit.
19 nga 23 mjekët e vdekur kanë punuar në rajonin e Lombardisë, ndërsa katër të tjerët kanë punuar në Napoli, Emilia Romagn dhe Marche.
Në total, 4,824 punonjës shëndetësorë janë infektuar nga Coronavirusi në shtetin fqinj.
