Ish-kryeministri Sali Berisha, ka folur për kryetarin e Partisë Demokratike , Lulzim Basha. I pyetur në qoftë se Basha duhet të dorëhiqet në qoftë se humbet zgjedhjet e 25 prillit, Berisha është përgjigjur, se të gjitha zhvillimet dhe përgjegjësia bazë për këtë i takon kryetarit. Ai shtoi ndër të tjera se për të qenë i sinqertë nuk sheh një humbje të PD-së në këto zgjedhje por një fitore në rritje.
“Për të gjitha zhvillimet, përgjegjësia bazë dhe kryesore është e kryetarit. Por unë kësaj here të jem i sinqertë shoh kudo një tis fitoreje në rritje”, tha ish-kryeministri Sali Berisha, në A2news.
Ndër të tjera Berisha ka shtuar se Basha për momentin, po mendon për kabinetin e tij të ardhshëm, 10 ditët e para të qeverisjes në mënyrë që të ju tregoj zgjedhësve të tij mirënjohje. Ndër të tjera Berisha shtoi se është i bindur që Basha do ti mbajë të gjitha premtimet.
“Po mendon për 100 ditët e qeverisjes së tij, në mënyrë që t’u tregojë zgjedhësve mirënjohje. Por jam i sigurt që premtimet që ka bërë do t’i mbajë. Është angazhuar se në 100 ditët e para do të hapë negociatat, një angazhim jashtëzakonisht i rëndësishëm, por në gjykimin tim krejtësisht i realizueshëm”., ka përfunduar ish-kryeministri Sali Berisha.
