Ashtu siç edhe është lajmëruar ditën e djeshme, aleatët e vegjël të Partisë Demokratike do të takojnë ditën e sotme Presidentin Meta për t’i dhënë një zgjidhje të ndërmjetme krizës politike.
Tashmë janë paraqitur në presidencë Fatmir Mediu i Partisë Republikane, Nard Ndoka i PDK, Vangjel Dule i PBDNJ, Dashamir Shehi i LZHK dhe Agron Duka i PPA-së.
Takimi ishte vendosur për në orën 11:00 dhe tashmë ka filluar, ku tema kryesore që do të hodhet për diskutim është dhënia e një zgjidhjeje për krizën.
Pesë aleatët e Bashës kërkojnë që me anë të presidentit Meta, BE-së dhe OSBE-së, të mund të ulen të dyja palët në bisedime në mënyrë që situata nëpër të cilën është duke kaluar vendi të kalohet dhe të ketë një klimë të mirë politike.
Tashmë si Rama ashtu edhe Basha janë të gatshëm që të ulen në tryezën e bisedimeve njësoj si dy vite më parë, por nuk e dimë se çfarë mund të na rezervojë ky vit.
