Kryeministri Edi Rama ka deklaruar se të gjithë shqiptarët e prekur me Covid 19 nuk do të jenë të pranishëm në zgjedhjet e 25 prillit.
“Ata të cilët janë testuar pozitivë duhet të qëndrojnë në shtëpi. Ata normalisht duhet të vetëkarantinohen, nuk bëhet fjalë. Sigurisht që janë të parët njerëzit që duhet të marrin përgjegjësinë për këtë.”, deklaroi kryeministri.
Ndryshe nga Kosova, ku grupe speciale shkuan derë më derë për t’iu mundësuar të drejtën për të votuar, në Shqipëri kjo e drejtë nuk do të mundësohet.
Në mbledhjen e sotme, Rama bëri të ditur ketë lajm që ndoshta për shumë qytetarë shihet si privim nga një e drejtë themelore, ajo e votës.
Më tej ai foli dhe për regjistrin e pronarëve përfitues duke theksuar se ndaj duhet të vijojë puna për të bërë komplet funksional sistemin.
Pjesë nga reagimi:
“Do bëjmë të njëjtën gjë që kanë bërë vendet e tjera. Ata të cilët janë testuar pozitivë dhe nuk janë negativizuar, duhet të qëndrojnë në shtëpi. Ata normalisht duhet të vetëkarantinohen, nuk bëhet fjalë. Sigurisht që janë të parët njerëzit që duhet të marrin përgjegjësinë për këtë. Ajo që është inkurajuese është se nuk ka pasur të dhëna shqetësues post elektorale në aspektin e influencës mbi shëndetin e njerëzve. Pra, nuk ka pasur rritje të numrit të infektimeve. Sigurisht që njerëzit duhet të përpiqen për radhën, distancën.
Pikërisht për këtë arsye ne duhet të vazhdojmë punën sepse kadastra përgjigjet online për pronat e dixhitalizuara, ka një pjesë tjetër të pronave të cilat janë ende në proces regjistrimi, dixhitalizimi. Aplikimi bëhet online, por procesi i verifikimit nga administrata është manual. Kjo do zgjidhet duke bërë komplet funksional sistemin”, tha Rama.
