Pak ditë para ardhjes së vitit 2022, ministrja e Energjisë dhe Infrastrukturës Belinda Balluku ka lexuar vendimet e marra në mbledhjen e qeverisë. Balluku u pyet edhe në lidhje me një projektligj për privatizimin e e-albanias, që sipas saj është një lajm, i rremë.
Balluku:
Nëse ky është një lajm që qarkullon është një nga lajmet e shumta të rreme, të dhënat personale fatkeqësisht janë kthyer në një lojë në telefonat e kujtdo. Kryeministri Rami e ka bërë me dije, unë pon e përsëris, që ne kemi kërkuar ndihmë nga kompania Johnson, që është aktualisht në Shqipëri, që mbron të dhënat e KESH. Rami iu ka kërkuar atyre që të vijnë në muajin Janar në Shqipëri, që të shohin të gjitha të dhënat dhe database.
Balluku u pyet edhe lidhur me pagesat që janë kryer ndaj kompanive të incineratorëve, edhe pse ato janë vendosur nën hetim për pastrim parash.
Balluku:
Para së gjithash unë dua që të qartësoj detyrat e ministrisë që drejtoj dhe çdo enti publik, ne nuk gjykojmë dosje, nuk marrim përsipër që të gjykojmë apo paragjykojmë kompanitë. Ne kemi për detyrë që të vazhdojmë kontratën, ne nuk mund të gjykojmë dhe të themi se kjo kontratë nuk vazhdon, për shkak se një person është ajo po në kërkim. Ne do të vazhdojmë të zbatojmë kontratat, ne do ti krijonim RSH-së një dëm për të cilin do të përgjigjeshim në arbitrazh. 3 ministritë që janë në zbatim të kontratave, do të zbatojnë ato kontrata, dhe do të respektojmë çdo vendim gjyqësor.
