Ditën e sotme Presidenti Ilir Meta, gjatë një intervistë të dhënë në “ReportTv” në emisionin “Kontrast” ka deklaruar se nuk pranon një mandat të dytë në detyrën e kryetarit të shtetit.
“Mandati im i dyte ne Krye te Shtetit, ndoshta pas 25 vitesh”, kështu ka thënë më tej Meta” ndërsa ka shtuar: Gjykata Kushtetuese nuk ka pasur as materie dhe as arsye për shkarkimin e Presidentit të Republikës. Procedurat e jashtëligjshme dhe të falsifikuara nga administrata e Parlamentit si dhe numri prej 122 deputet të Kuvendit, e bënte nul gjithë këtë proces. President i Republikës, që nga periudha që është zgjedhur, nga 5 vjet që ka mandatin, në 3 vite ka qenë nën hetim. Arsyeja dihet, sepse në krye të kësaj regjie për kapjen e shteti është vetë zoti Rama. Burimi i tensionit ne vend nuk ka qene asnjëherë Presidenti i Republikës. Në kushtet kur rendi kushtetues, pluralizmi politik dhe vota e lire vihen ne pikëpyetje, unë nuk mund te qëndroja dhe as te qëndroj indiferent.”
Kujtojmë se Gjykata Kushtetuese ka publikuar njoftimin për mos pranimin e vendimit të marrë nga Kuvendi i republikës së Shqipërisë ku u votua për shkarkimin e Ilir Metës nga posti i presidentit. Sipas vendimit nga Gjykata Kushtetuese presidenti nuk ka kryer shkelje të rënda ashtu siç pretendohet nga ana e Kuvendit.
Njoftimi
Gjykata Kushtetuese e Republikës së Shqipërisë mori në shqyrtim në seancat plenare publike të datave 01.02.2022, 03.02.2022 dhe 07.02.2022 vendimin nr. 55/2021, datë 09.06.2021 të Kuvendit të Shqipërisë “Për shkarkimin e Presidentit të Republikës së Shqipërisë për shkelje të rënda të Kushtetutës”.
