Çështja e inceneratorëve është kryefjala e këtyre ditëve, kjo për shkak të evidentimit të aferave që janë bërë me to.
Komisioni Hetimor për Inceneratorët po zhvillon punimet, ndërkohë që janë thirrur si dëshmitarë shumë figura të rëndësishme të cilët implikohen më çështjen e inceneratorëve.
Ditën e djeshme, Komisioni zhvilloi seancë maratonë, për më shumë se 13 orë. Mbledhja u shoqërua me debate e tensione të forta, ku u paraqitën për të dëshmuar kryebashkiakja e Durrësit, Emirjana Sako, ministrja e Transportit, Belinda Balluku, kryebashkiaku i Fierit, Armando Subashi, ish-ministri i Financave, Shkëlqim Cani, si dhe zëvendëskryeministri Arben Ahmetaj.
Ndërkohë ditën e sotme janë thirrur për të dëshmuar Sekretari i Përgjithshëm i Kryeministrisë, Ëngjëll Agaçi, kryebashkiaku i Tiranës, Erion Veliaj, deputeti i PS, Alqi Bllako, dhe ish-ministri i Energjitikës, Damian Gjiknuri.
Theksojmë se deri më tani ka dëshmuar kryetari i Bashkisë së Tiranës, Erion Veliaj, i cili në disa momente ka humbur turuan duke reaguar me tone shumë të ashpra dhe fjalë fyese, veçanërisht ndaj kryetares së Komisionit Hetimor për Inceneratorët, Jorida Tabakut.
Mbetet për t’u parë nëse Agaçi do të “denjojë” që të paraqitet para Komisionit Hetimor për Inceneratorët dhe të japë përgjigje për aferat e tij korruptive.
Kujtojmë që ditën e djeshme gazetarja Klodiana Lala paralajmëroi Agaçin, duke i thënë se kë do zgjidhte midis SPAK-ut apo Komisionit Hetimor për Inceneratorët.
“Mirëmëngjes z.Agaci! Mendove se të kam harruar? Joooo. Nuk ndodh kjo. Te dua të mirën. Do shkosh në komision? Apo do me vish në SPAK? Hë të keqen ndaje mendjen. Pastaj mos harro, jepi ndonje këshillilë dhe Veliaj!” shkruajti gazetarja Klodiana Lala.
Sekretari i Përgjithshëm i kryeministrit Ëngjëll Agaçi është një nga aktorët kryesor në aferën e inceneratorit të Elbasanit. Agaçi, megjithëse u ndesh me refuzimin e Agjencisë së Prokurimit Publik për procedurën për inceneratorin e Elbasanit me vetëdije të plotë shkeli ligjin.
Theskojmë se ligji, e përcakton qartë që Sekretari i Përgjithshëm i kryeministrit është përgjegjës për hartimin e rendit të ditës së mbledhjes së Këshillit të Ministrave. Duke shfrytëzuar këtë komptencë, Ëngjëll Agaçi pasi ishte në dijeni nga APP e cila kundërshtoi procedurën e ndjekur ‘Negocim pa shpallje’ e futi në rendin e ditës së Këshillit të Ministrave, jo lidhjen e kontratës por faturën financiare të kontratës. Pra, u miratua fatura financiare pa u vënë në dijeni të kushteve financiare të saj. Për këtë shkelje, jo vetëm në inceneratorin e Elbasanit por dhe atë të Tiranës Ëngjëll Agaçi do të vendoset përballë pyetjeve të Komisionit Hetimor për Inceneratorët.
