Ditën e djeshme në Shqipëri u mbajtën zgjedhjet lokale, ku ende nuk ka përfunduar procesi i numërimit të votave në disa qytete.
Në 24 bashki Partia Socialiste ka fituar bindshëm, por a do të njihen zgjedhjet e 30 qqershorit?
Kujtojmë këtu se presidenti Meta, në një konferencë që mbajti para mediave ditën e enjte dekretoi datën 13 tetor si datën e zgjedhjeve të reja.
Ditën e sotme në orën 15:00 vëzhguesit ndërkombëtarë të zgjedhjeve vendore në Tiranë priten të mbajnë konferencë për shtyp ku do të shprehen nëse i njohin apo jo zgjedhjet e 30 qershorit.
Shefja e misionit të vëzhgimit të zgjedhjeve të ODIHR, Audrey Glover do të paraqesë përfundimet paraprake mbi mënyrën e zhvillimit të procesit zgjedhor më 30 qershor.
Glover do japë një vlerësim zyrtar të procesit zgjedhor, standardet për zgjedhjet demokratike, si dhe me legjislacionin kombëtar. Theksojmë se si vëzhgues të huaj dje kanë qenë 174 vëzhgues nga 33 vende të ndryshme.
Nga numërimi i votave deri më tani, PS po kryeson në të gjitha bashkitë e vendit.
