Zv.ministrja e Shëndetësisë, Mira Rakacolli ka folur në lidhje me situatën me pandeminë e koronavirusit në vendin tonë. Po ashtu ajo iu ka bërë apel qytetarëve që të vaksinohen, ndërsa ka thënë se nga virusi po infektohen dhe po humbin jetën edhe moshat e reja.
Në një intervistë në News 24, Rakacolli ka thënë se situata me koronavirusin në vendin tonë paraqitet deri diku e stabilizuar. Ajo përveç apelit që ka për vaksinimin iu bën thirrje qytetarëve që të zbatojnë me përpikmëri të gjitha masat e tjera.
“Situata e infeksionit paraqitet deri diku e stabilizuar, me një tendencë të lehtë në rënie. Ne ja dedikojmë këtë vaksinimit. Vazhdojmë të kemi të shtruar nëpër spitale, si dhe jetë të humbura. Ajo që dua unë të ritheksoj është se shumica e të shtruarve në spital janë të pavaksinuar, po ashtu edhe ajo e jetëve të humbura.
Prandaj ju bëj apel qytetarëve që të vaksinohen, sepse në dimër infeksionet respiratorë shtohen, ndaj ka tendencë rritjeje. Nuk ka më asnjë dyshim, që vaksina të mbron mjaft, por s’duhen harruar edhe masat e tjera, si mbajtja e maskës, që fatkeqësisht është e neglizhuar. Ka prekje të moshave të reja dhe humbje jete, prandaj duhet me patjetër që është moshat e reja ta ndjejnë shumë afër rrezikun e virusit. Janë mbi 1 milion e 800 doza vaksine të bëra. Jemi te rreth 44% e vaksinimit në
Ndërsa e pyetur në qoftë se do të ndryshojë ora policore, Rakacoli është shprehur se do ta shohin në varësi të shifrave.
“ Kjo varet në varësi të shifrave, se si do t’i kemi ato. Deri në diskutimet që kemi bërë, të javës së kaluar, shifrat nuk na sugjerojnë një gjë të tillë, por jemi në varësi të shifrave.”, tha Rakacolli.
