Kryeministri Edi Rama ka qenë ditën e sotme në Parisë ku ka drejuar me presidentin francez, Emmanuel Macron me një ftesë të këtij të fundit. Rama zbuloi gjatë një interviste se në takim është diksutuar për marrëhdëniet bilatreale mes dy vendeve dhe rreth investimeve europiane në rajon e në Shqipëri. Kryeministri ka komentuar gjithahstu edhe normalizimin e marrëdhënieve mes Kosovës dhe Serbisë dhe rolin e tij në këtë process. I pyetur nëse Macron i ka kërkuar të ndërmjetësojë një dialog mes dy vendeve, Rama ka thënë se nuk është njeriu i duhur pasi është palë dhe do mbronte interest shqiptare.
“Nuk jam njeriu i duhur për të ndërmjetësuar midis Kosovës dhe Serbisë, unë jam palë dhe si palë unë mbroj detyrimisht interesat e Shqipërisë dhe të Kosovës bashkë dhe ky është një proces ku u takon udhëheqësve në Kosovë që të çojnë përpara dialogun ashtu siç ata e mendojnë të arsyeshme. Natyrisht me të gjithë mbështetjen time dhe të qeverisë sot dhe nesër në Tiranë, natyrisht në momente të caktuara mund të kemi qasje të ndryshme si të arrijmë tek qëllimi, por qëllimi është absolutisht i njëjtë dhe unë jam palë”, ka thënë Rama.
Më tej ai ka folur për procesin e integrimit duke thënë se detyrat nga ana e Shqipërisë janë përmbushur dhe tashmë çdo gjë është në dorën e Bashkimit Europian.
“Është një proces që vazhdon. Unë e kam thënë dhe e përsëris që s’ka asnjë sekret. Është sekreti më i madh publik, nëse mund ta themi, që ne i kemi bërë detyrat tona dhe gjithçka do varet nga situata brenda për brenda Këshillit Europian dhe nga dinamikat brendapërbrenda vendeve të BE-së. Kështu që kjo është një gjë e ditur dhe s’ka nevojë për t’u zgjatur në këtë”, ka deklaruar Rama.
