Google ka bërë një reagim publik duke shprehur se Gmail nuk do të mbyllet, në kundërshtim me pretendimet e disa raportimeve që sugjeruan se do të ndodhte kjo në gusht. Një postim në platformën X, i cili ka fituar shumë vëmendje duke u shikuar më shumë se shtatë milionë herë, pretendon se Gmail do të mbyllej në gusht. Megjithatë, Google ka qartësuar se ky postim është i rremë dhe se nuk ka asnjë bazë për pretendimin e tij.
“Gmail do të qëndrojë” deklaroi Google.
Me këtë deklaratë, Google ka rikonfirmuar se Gmail është një pjese e rëndësishme e ekosistemit të tyre dhe do të vazhdojë të jetë në dispozicion për përdoruesit e tyre.
Një email u dërgua nga Google në vitin 2023, duke njoftuar se Gmail do të ndalonte aksesin në pamjen më themelore të HTML. HTML u përdor kur Gmail u lançua në 2004 dhe do të ishte e panjohur për shumicën e përdoruesve të shërbimit sot. Postimi i rremë ka ndryshuar disa fjalë në emailin origjinal për të bërë të duket se ka të bëjë me Gmail në tërësi. Google ka bërë një reagim publik duke e hedhur poshtë pretendimin se Gmail do të mbyllej sipas disa raportimeve të fundit. Në këtë dekalaratë zyrtare, ata kanë shprehur se Gmail nuk ka asnjë plan në të ardhmen për ta mbyllur.
