Bujar Nishani, kreu i Këshillit Kombëtar të PD-së thotëse statuti i Partisë Demokratike nuk parashikon largimin e kryetarit nëse humbet zgjedhjet. I pyetur nëse Basha do largohet nëse PD humbet në zgjedhjet e ardhshme, Nishani tha se është herët për të folur për këtë por theksoi se “askush nuk është i pazëvendësueshëm.”
“Askush nuk është i pazëvendësueshëm. Dorëheqja është një akt vullnetar. Ne nuk e kemi të sanksionuar në statut. Nëse ne do të fokusohemi se kush do të jetë fati politik i secilit prej anëtarëve të koalicionit pas zgjedhjeve ne kemi deformuar platformën tonë. Që këtu dhe te ky nis krijimi i raportit të besimit”, tha Nishani në emisionin “Pa protokoll”.
Më tej, Nishani tha se PD është e hapur për këdo, dhe kur u pyet për ish-kryeparlamentaren Topalli tha “Duhet të shkojmë përtej pikëpamjes personale, përtej interesit të pëlqyeshmërisë apo papëlqyeshmërisë individuale. Vendi ka nevojë për një front të përbashkët përballje. Unë nuk besoj që askush nga emrat që janë kritikë te Basha nuk e konsiderojnë Bashën si të keqe të vendit. Ftesat janë të hapura. Strukturat e PD mund të propozojnë këdo që gjykojnë. Ne kemi kërkuar një proces që të fokusohet tek strukturat. Sot secili ka mundësi për të propozuar.”
