Pas përfundimit të mbledhjes së Kabinetit Qeveritar, ministrja e Financave Delina Ibrahimaj ka thënë se në buxhetin e vitit 2022 nuk parashikohet rritje e pensioneve, por garantoi vetëm paketën e bonusit të Vitit të Ri.
Ibrahimaj ka thënë se projekt-buxheti parashikon një rritje të shpenzimeve qeveritare në të gjitha sektorët.
“Buxheti për 2022 sot qeveria miratoi projektligje të rëndësishme që priten të kalohen në kuvend të cilat janë në mbështetje të reformave strukturore që ka ndërmarrë qeveria shqiptare. Ekonomia shqiptare gjatë këtij viti është rritur me një normë më të lartë rritëse se të gjithë rajonit. Në 3 mujorin ne u rritëm me 5.5% në tremujorin e dytë u rritëm me 18 % , këto rritje nuk vijnë në mënyrë natyrale por si pasojë e të gjithë reformave të ndërmarra në të gjithë sektorët. Projekt buxheti parashikon një rritje të shpenzimeve qeveritare në të gjitha sektorët kryesorë, pra në Arsim, shëndetësi në kulturë bujqësi dhe infreastukturë, këto rritje do të përcillen në një rritje ekonomike në vitet në vijim në nivelin 4%. Mbrojtja sociale do të jetë fokus për shtresat në nevojë që mirëqenia të rritet në të gjithë shkallët e popullatës dhe jo vetëm, në të punësuarit. Rritja e produktivitetit në sektorë të ndryshëm të ekonomisë do të kejtë në kryefjalën e saj rritjen e ligjshmërisë duke forcuar strukturat e antikorrupsionit. Dixhitalizimi do të jetë i shtrirë në të gjithë sektorët.
Prej vitesh bonusi i pensioneve në fund të vitit është bërë rregull megjithëse është konsideruar si bonus prej të gjithë kohës kur kemi qeverisur. Nga vitin e ardhshëm ky nuk do të jetë një pikëpyetje por do të jetë e planifikuar në buxhetin e 2022 dhe vitet në vijim. Duhet të rikujtoj që ne bëjmë një indeksim të pensioneve që shkojnë në linjë me normat e inflacionit pra cdo vit parashikohet si rritje e pensioneve natyrale me indeksimin e inflacionit, pra duke mbrojtur të gjitha shtresat e pensionistëve nga rritja e çmimeve.; gjithashtu do të jetë edhe bonusi i përvitshëm që do të jetë si linjë e buxhetuar më vete që do ti shkojë pensionistëve. Nuk ka asnjë pikëpyetje”, tha Ibrahimaj.
