Pas ftesave të vazhdueshme që kryeministri Edi Rama i ka dërguar kreut të PD-së, Lulzim Bashës për bashkëpunim, të gjithë kanë ngritur pyetje nëse do të ketë sërish një marrëeveshje mes të dyve. Një pyetje të tillë nuk i ka dhënë përgjigje as Basha. I ftuar në emisionin “frontline” ai i është përgjigjur pyetjes për një “17 maj të dytë”, duke thënë se Shqipëria do të fitojë pasi deklaroi në një pyetje tjetër se bashkëqeverisje me Ramën nuk do të ketë.
“25 prilli është dita e fitores së të gjithë shqiptarëve, dita kur ata do të marrin fatin e tyre në dorë. Thirrja ime është që asnjë të mos rri në shtëpi”, tha Basha.
Basha tha më tej se Aleanca për Ndryshim dhe PD do të dalin focë e parë në zgjedhje dhe këtë e di edhe Rama që po kërkon të bëhet pjesë e qeverisjes.
“PD, koalicioni për ndryshim dhe aleanca për ndryshim janë fituesit e padiskutueshëm të këtyre zgjedhjeve. Këtë e di dhe Edi Rama, që kohët e fundit ka filluar tentativat për të hapur ndonjë deriçkë për t’u bërë pjesë e qeverisjes. Nuk ka asnjë shans që ai të jetë pjesë e qeverisjes. Nuk ekziston asnjë skenar që Shqipëria do të humbasë më 25 prill. Rama e di që do të humbasë. Pjesëmarrja do të jetë më masivja, procesi po ashtu, dhe fitorja do të jetë e thellë”, deklaroi kreu i PD.
