Ashtu sikurse ishte paralajmëruar sot do të zhvillohen bisedimet mes Rusisë dhe Ukrainës, dhe vendndodhja e takimit do të jetë në kufi me Bjellorusinë.
Zyra e presidentit ukrainas thotë se dëshiron një armëpushim të menjëhershëm dhe tërheqjen e forcave ruse.
Ndërkohë, Moska dëshiron të arrijë një marrëveshje që ishte në interes të të dyja palëve, sipas negociatorit rus, Vladimir Medinsky.
Përpara fillimit të takimit, presidenti i Ukrainës Volodymyr Zelensky u bëri thirrje trupave ruse që të linin armët dhe bëri thirrje që BE t’i japë Ukrainës anëtarësimin në bllok.
Ndërkohë delegacioni përfshin disa zyrtarë të rangut të lartë, por jo vetë presidentin e Ukrainës Volodymyr Zelensky.
Kujtojmë që Ministria e Mbrojtjes në Ukrainë ka bërë publik bilancin e fundit nga dita e pestë e luftës nga agresori rus. Ministria ukrainase njofton se deri më tani ka vrarë 5300 ushtarë rusë, raporton “BBC”. Sipas zyrtarëve ukrainas, 191 tanke, 29 avionë dhe 816 transportues të blinduar të personelit ushtarak janë shkatërruar nga forcat ukrainase. Bilanci i fundit nga Ukraina: Kemi vrarë 5300 ushtarë rusë, shkatërruam 191 tanke e 29 avionë luftarakë
Theksojmë se shtetrrethimi dyditor në Kiev është hequr, ndonëse trupat ruse kanë përparuar 30 km (19 milje) nga kryeqyteti ukrainas.
Supermarketet në qytet janë rihapur dhe shumë njerëz kanë dalë nga strehimoret, ku qëndruan pjesën më të madhe të dy ditëve të fundit, teksa forcat ruse bombarduan qytetin.
