Kreu i Komisionit Qendror të Zgjedhjeve, Ilirjan ka folur për zgjedhjet e nesërme në emisionin “Kjo javë” në News 24. I pyetur nëse zgjedhjet e 25 prillit do të kontestohen apo ajo, Celibashi ka thënë se situata nuk është ‘rozë’. Ai tha se në përgjithësi atmosfera është e ndezur dhe antagoniste, gjë që të bën të mendosh se do të jetë e vështirë që humbësi t’a pranojë rezultatin. Më tej Celibashi u shpreh se shpreson që humbësi të mos e përjetojë si dramë personale e politike. Nëse të gjithë e marrin me qetësi, Celibashi tha se do të jetë një atmosferë e mirë.
“Nuk mund të themi që situata është rozë. Shohim ligjërimin politik dhe zgjedhor të udhëheqjes politike, nuk është për të gjithë kështu, në përgjithësi atmosfera është e ndezur dhe antagoniste. Të bën të mendosh që do jetë e vështirë për humbësin e zgjedhësve të pranojë me qetësi e xhentilesë, nuk është dramë e madhe të humbësh zgjedhje. Kanë humbur liderë të shquar botërorë, janë me qindra raste kur dikush që ëshët menduar fitues, i ka humbur dhe s’ka qenë dramë. Shpresoj që humbësi në Shqipëri mos e përjetojë si dramë as personale as politike. Nëse të gjithë e marrin me qetësi, apo dhe me një lloj kurioziteti se kush fiton, do të jetë klimë e mirë dhe e qetë. Më duket si ligjërim për Norvegji apo Danimarkë, po kështu më vjen ta them”, tha Celibashi.
