NATO duket qartë se është e vendosur që të nisë prodhimin e armëve, pas nisjes së konflikit Ukrainë-Rusi.
Në një reagim për Agjencinë Telegrafike Shqiptare, zyra e NATO-s në Bruksel u shpreh në lidhje me idenë e rivitalizimit të industrisë së armëve në Shqipëri.
Sipas zyrës së NATO-s kjo do shërbejë edhe për mbushjen e rezervave për armët e ushtrisë së NATO-s, por edhe për të mbështetur me armë Ukrainën.
“Rritja e prodhimit të armëve është një nga prioritetet kryesore të NATO-s. Siç tha Sekretari i Përgjithshëm i NATO-s, Jens Stoltenberg, në konferencën e tij për shtyp pas takimit të Ministrave të Mbrojtjes të NATO-s në shkurt, diskutimet mes aleatëve vazhdojnë për “rritje të prodhimit të municioneve. Në mënyrë që të rimbushim rezervat tona dhe të vazhdojmë të mbështesim Ukrainën”, është qëndrimi i NATO-s.
Po ashtu edhe në bazën detare në Durrësit, në Porto Romano mësohet se po rishikohet mundësia për një investim nga NATO.
“Në lidhje me Porto Romanon, ne mirëpresim ofertat e aleatëve për të pritur objektet e NATO-s. Ekspertët tanë shikojnë të gjitha ofertat e tilla dhe më pas japin këshilla bazuar në kërkesat ushtarake të Aleancës”, vijon reagimi i NATO-s.
