Kreu i Prokurorisë së Posaçme, Altin Dumani ishte i pranishëm në tryezën e diskutimit të mbajtur nga CGDS, me temë: “Lufta kundër korrupsionit dhe krimit të organizuar: Roli i SPAK dhe Gjykatat e Posaçme në drejtim të përmirësimit të përgatitjes së vendit për anëtarësim në Bashkimin Evropian”.
Në panel së bashku me ambasadorin e BE-së, Dumani u pyet edhe lidhur me çështjen e Berishës dhe arrestimin e tij.
Kujtojmë se SPAK pak ditë më parë ka kërkuar heqjen e imunitetit të ish-kryeminitsrit, gjë që u diskutua në mbledhjen e Këshillit të Mandateve.
Altin Dumani u shpreh se për këtë do të vendosin prokurorët e çështjes së Sali Berishës nëse do të kërkohet arrestimi i ish-kryeministrit nëse Kuvendi vendos heqjen e imunitetit të tij.
“Është në diskrecionin e prokurorëve të çështjes”, tha ai duke shtuar se ai do të firmosë vetëm shkresën.
Imuniteti i Sali Berishës do të kalojë edhe nesër në Kuvend, ku do të votohet për kërkesën e ardhur nga SPAK. Kujtojmë se paralelisht me Kuvendin, opozita ka thirrur protestë para Parlamentit që do të nisin rreth orës 09:00.
