Mësa duket situata politike në vendin tonë do të has përsëri në një pengesë dhe këtë herë duket e madhe.
Nëse opozita hoqi dorë nga mandatet, sigurisht që do ishte radha e atyre që pasonin në lista, mirëpo në Kukës duket se gjërat nuk do të shkojnë dhe aq mirë.
Kandidati në listën e PD-së, Miftar Dauti nuk ka dorëzuar formularin e dekriminalizimit (afati i fundit ishte 15 marsi), duke hequr dorë nga mandati pas largimit të Isuf Çelaj.
Mirëpo heqja dorë e Dautit bën që të hapet një problem akoma më i madh, ai i kalimit të mandateve nga njëra forcë politike tek tjetra gjë që do të sillte çorientim dhe sigurisht mërzi tek elektorati.
Por mesa duket ekspertët thonë se nuk ekziston asnjëherë një mundësi e tillë, pasi ligji më i lartë është Kodi Zgjedhor dhe në të nuk parashikohet asnjë lëvizje e tillë.
Ndërkohë një nga 7 deputetët e rinj që u betuan paraditen e së mërkurës në Kuvend ishte edhe Alban Zeneli, i cili vjen nga radhët e partisë Demokratike nga qarku Kukës.
Zeneli është nga kandidatët që kanë vendosur të tërhiqet nga lënia e mandatit pasi e kishte firmosur dhe ka mbajtur vendin e tij në Parlament duke marrë mandatin e ish-deputetit Flamur Noka.
