Mbrëmjen e sotme ish-kryeministri Sali Berisha ka realizuar një lidhje me Skype për “Zonë e lirë”, ku ka folur rreth situatës së krijuar në vendin tonë pas mbërritjes së COVID-19.
Ndër të tjera, Berisha është pyetur nëse në këtë situatë të jashtëzakonshme do kthehej në vijën e parë të luftës pranë bluzave të bardha.
Ish-kryeministri ka thënë se ai nuk do bashkohej sepse ai nuk e quan më veten mjek pasi dijet e tij kanë avulluar pasi ka një shkëputje 30-vjeçare nga profesioni.
Berisha tha se ai ka qenë një mjek me pasion të jashtëzakonshëm, por shkëputja e gjatë e detyron të thotë se nuk është më një kardiolog.
Çani: A e konsiderove thirrjen e qeverisë për të dhënë kontributin thuaj si mjek në ndihmë të sëmurëve nga koronavirusi?
Berisha: Çani, shiko, të mendosh që unë pas 30 vitesh do mund të shërbej si mjek, është qesharake. Çdokush që e mendon këtë…jo vetëm unë, por çdo person që nuk e ushtron profesionin e tij për 30 vjet, nuk mund ta ushtrojë më, është shumë e vështirë.
Çani: Pra, ju po thoni doktor se nëse është dikush që vuan nga zemra ju nuk mund ta ndihmoni?
Berisha: Unë mund t’i bëj një masazh për zemrën nga jashtë, por gjërat e brendshme sigurisht i kam harruar…
