Ekspertët e huaj të pandemisë paralajmërojnë se vaksinat nuk do të jenë fundi i pandemisë. Ata thonë se pandemia pritet të zgjasë për vite me rradhë dhe njerëzit do duhet të të përshtaten me një mënyrë të re jetesë në rang botëror.
“Ekziston supozimi i rremë se sapo të vaksinoheni, virusi i COVID-it do të zhduket. Nuk është e vërtetë. Virusi i COVID-it do të qëndrojë. Do të na duhet të përballemi me të për vite me radhë.”, thotë profesori i sëmundjeve infektive të Universitetit Vanderbilt, Ëilliam Schaffner.
Sipas profesorit vaksinimi i përvitshëm krahas atij të gripit është një nga skenarët e mundshëm për vitet në vazhdim.
Kujtojmë se së fundmi ka dalë dhe kartela e vaksinimit anti covid, duke nënkuptuar se vaksinimi do të zgjasë dhe të gjithë ne do të kemi këtë dokument për çdo lëvizje brenda apo jashtë vendit.
Specialistët shjeguan dhe termin e ri që përmendën për “vaksinimin e përvitshëm”. Sipas tyre, ashtu siç ndryshon virusi i gripit të thejshtë, variantet e koronavirusit të bëjnë të mendosh se Covid 19 ka të ngjarë të ketë të njëjtat karakteristika. Pra ky raund vaksinimi nuk nënkupton fundin.
Zgjidhja konsiston në vaksinimin masiv të popullsisë dhe zvogëlimin e mundësive për mutacione të reja, të cilat kanë treguar se ndryshojnë shumë nga lloji Covid 19, duke u trajtuar thuasje si viruse të reja.
