Deri tani gjërat po shkonin mirë për Italinë dhe atëherë kur dukej se pandemia u vu nën kontroll, duket se situata ndryshoi përsëri.
Italia po vijon të tregojë rritje të rasteve të reja me koronavirus, nga dita në ditë dhe ekspertët po mendojnë se po kthehet një valë e dytë.
Në 24 orët e fundit mësohet se nga 119 mijë tamponë të kryer, 2844 persona të tjerë kanë rezultuar pozitivë me Covid-19, një shifër kjo që nuk regjistrohej prej 24 prillit.
Viktima janë 27, ndërkohë që nga nisja e pandemisë 35 968 persona kanë humbur jetën. Rajonet më të goditura janë Kampania, Lombardia dhe Piemonte.
Të dhënat e Ministrisë së Shëndetësisë tregojnë një rritje të lehtë dhe të pacientëve të shtruar në spitale. Tashmë në terapitë intensive ndodhen 297 persona, ndërsa në repartet e tjera dhe 3205 të tjerë. Në izolim shtëpiak ndodhen mbi 52 mijë persona.
/GazetaReforma.com/
