Duke u bazuar në ekspertizën e stafit mjekësor që po kurojnë nga helmimi kreun e opozitës ruse, Alexei Navalny, qeveria gjermane ka deklaruar se kundërshtari i Vladimir Putin është helmuar me agjent nervor.
Sipas qeverisë gjermane, substanca e përdorur në helmimin e Navalnyt, është Novichoku i epokës sovjetike.
Mësohet se substanca e Novichokut është një lloj agjenti nervor kimik shumë i rrezikshëm për organizmin e njeriut dhe ka fuqi vdekjeprurëse.
Detashmentet speciale ruse, kryesisht shërbimet sekrete, e kanë në praktikën e tyre tradicionale që prej kohës së Bashkimit Sovjetik, eliminimin e kundërshtarëve politik, nëpërmjet injektimit të helmeve të rrallë e të rrezikshëm laboratorik.
Kujtojmë se edhe më herët, një substancë e ngjashme me agjentin nervor Novichok, u përdor ndaj ish-anëtarit të shërbimit sekret rus KGB, tashmë FSB, Sergei Skripalit dhe vajzës së tij.
Ky i fundit prej vitesh tashmë punonte për shërbimin sekret britanik dhe ishte zhvendosur në Londër që në vitet 90’-të.
Kryeopozitari rus, Alexei Navalny u dërgua në Berlin për mjekim, pasi u sëmur papritur gjatë një fluturimi në Rusi përpara disa javëve.
