Në Mitrovicë të Veriut, një incident i rëndë ka ndodhur ku dy makina me targa serbe janë gjetur të djegura. Ngjarja ka ndodhur më 1 qershor 2024, rreth orës 02:25 të mëngjesit, në rrugën Kral Petri. Automjetet e përfshira ishin një Skoda Octavia e kuqe dhe një Mercedes C Clas i zi.
Zjarrfikësit dhe hetuesit u thirrën menjëherë në vendngjarje, ku arritën të lokalizojnë dhe kontrollojnë zjarrin. Pasi zjarrfikësit ndërhyrën për të shuar flakët, hetuesi kujdestar njoftoi Prokurorinë për të nisur një hetim zyrtar për zjarrvënie.
“Automjeti Skoda Octavia ishte përfshirë komplet nga zjarri, i cili më pas u përhap edhe tek Mercedes C Clas,” tha Veton Elshani, Zv. drejtori i Policisë së Kosovës për rajonin e Veriut. Ai shtoi se për momentin nuk ka të dyshuar në lidhje me këtë rast. Ky incident vazhdon të hetohet për të zbuluar shkaqet dhe përgjegjësit e mundshëm.
