Ditën e sotme Ambasadori i Shqipërisë në OKB, Ferit Hoxha ka mbajtur një fjalim në Këshillin e Sigurimit, ku dënoi sulmet ruse në Ukrainë.Në fjalën e tij të mbajtur në Këshill Hoxha u shpreh se Rusia duhet të mbajë përgjegjësie para drejtësisë për ato që po bën.
“Rusia duhet të mbajë përgjegjësi para drejtësisë. Rama e ka quajtur një trup të vërtetë. Rusia duhet të ndalojë sulmin në Ukrainë, por Rusia nuk po respekton asnjë rregull. Ligji do të vazhdojë, nuk mund ti shpëtojnë përgjegjësive. Krimet që janë kryer në qytete të ndryshme të Ukrainës janë të mëdha. Ajo që ndodhi në Bucha është e tmerrshme.
Ne mbështesim të drejtat e njeriut. Rusia ka deklaruar se do ta zhvendosë fokusin në lindje të Ukrainës. Rusia është izoluar, është transformuar brenda 10 ditësh. Ushtria ruse është përballur me humbje të mëdha”, tha Hoxha.
Hoxha tha se rrallë herë rezultati i një lufte ka qenë kaq katastrofik krejtësisht e kundërta e asaj që donte të arrinte. Sipas tij ushtria e Rusisë është mposhtur nga ukrainasit e paarmatosur dhe tejkaluar në numër rezistence.
“Rusia është e izoluar si kurrë në historinë e saj, është bërë vendi më i sanksionuar në botë dhe histori. Asnjë vend nuk e ka parë ndonjëherë veten të transformohet, në vetëm 10 ditë, nga një lojtar global në një kolaps financiar dhe ndërkombëtare. Deri në atë pikë sa është i detyruar të gjejë ngushëllim në mbështetjen e Koresë së Veriut dhe Sirisë.”-shtoi Hoxha.
