Presidenti i Serbisë, Aleksandar Vuçiç, sot, me rastin e fitores së zgjedhjeve presidenciale, ka pranuar urime nga zyrtarë të shumë shteteve, përfshirë presidentin e Francës, Emanuel Macron, presidentin e Rusisë, Vladimir Putin dhe presidentin e Çekisë Millosh Zeman.
Sipas shërbimit për shtyp të Presidentit të Serbisë, presidenti kroat Zoran Milanovic, presidenti dhe kryeministri i Sllovenisë Borut Pahor dhe Janez Jansa, kryeministri i Maqedonisë së Veriut Dimitar Kovacevski dhe anëtari serb i Presidencës së Bosnjës dhe Hercegovinës Milorad Dodik uruan Vuçiqin për fitoren e tij në zgjedhje.
Urime Vuçiçit i dërguan edhe kryeministri shqiptar Edi Rama, presidenti bullgar Rumen Radev, si dhe presidenti hungarez Katalin Novak dhe kryeministri Viktor Orban dhe kancelari austriak Karl Nehamer.
Sheikh Nasser bin Hamad bin Isa al-Khalifa ka uruar Vuçiqin në emër të Mbretit të Bahreinit, thuhet në deklaratë.
Kujtojmë se kryeministri Edi Rama ka qenë ndër të parët që ka uruar Aleksandar Vuçiç për fitoren në zgjedhjet e djeshme presidenciale.
Zyra e shtypit e Kryeministrisë nuk ka shpërndarë mesazh urimi të Ramës për Vuçiç, por është gazeta serbe, Kurir, media e kontrolluar nga presidenti serb, që e konfirmon një gjë të tillë.
Gazeta e Beogradit shkruan:
“Urime nga Hungaria u dërguan nga presidenti Katalin Novak dhe kryeministri Viktor Orban, dhe në emër të Republikës së Sllovenisë nga presidenti Borut Pahor dhe kryeministri Janez Jansha. Presidenti Vuçiç ka pranuar urime edhe nga kancelari i Republikës së Austrisë, Karl Nehamer, nga kryeministri i Republikës së Shqipërisë, Edi Rama, si dhe nga kryeministri i Republikës së Maqedonisë së Veriut, Dimitar Kovaçevski. Urimet në emër të mbretit të Bahreinit u dërguan nga Sheikh Nasser bin Hamad bin Isa al Khalifa. Edhe anëtari serb i Presidencës së Bosnje-Hercegovinës, Milorad Dodik, ka uruar presidentin Vuçiç dhe fitoren e tij në zgjedhje”.
Gjithashtu, Kurir shton se mes të tjerësh, Vuçiç ka marrë mesazhe urimi edhe nga Presidenti i Republikës franceze Emanuel Macron, Presidenti i Federatës Ruse, Vladimir Putin, etj.,
