Ditwn e sotme Presidenti amerikan, Joe Biden ka njoftuar zyrtarisht një ndalim të importeve të naftës ruse në hakmarrje ndaj pushtimit të vendit në Ukrainë.
Sipas burimeve tw SkyNews, ai shtoi se ndalimi do të përfshijë gjithashtu importin e gazit dhe energjisë nga vendi. Ndalimi do të vijë si një goditje tjetër për ekonominë ruse, e cila tashmë është goditur nga një sërë sanksionesh nga Perëndimi.
Në një deklaratë televizive, ai tha se SHBA-ja e mori vendimin në konsultim të ngushtë me aleatët e saj, por ai e kupton se disa nga aleatët e saj evropianë nuk do të jenë në gjendje të bëjnë të njëjtën lëvizje, për shkak të varësisë së tyre nga nafta ruse.
Ai shtoi se SHBA-ja ka zbatuar sanksionet më të rëndësishme në histori ndaj Rusisë dhe ka “sakatosur” aftësinë e vendit për të bërë biznes dhe ka dëmtuar ekonominë e saj. Megjithatë, ai ka paralajmëruar se masa do të prekë amerikanët me çmimin e gazit që pritet të rritet edhe më tej.
Rusia ka kërcënuar më parë se do të ndërpresë të gjitha furnizimet me gaz në Perëndim nëse zbatohet një ndalim për importet e saj të naftës. Ndërkohë mos të harrojmë se çmimi i naftës në shqipëri ka shkuar deri në 250 lekë/litër.
