BE-ja kishte thënë tashmë se do të ngrinte asetet dhe do të ndalonte udhëtimet për politikanë të rangut të lartë dhe personalitete të njohura mediatike, për të mos përmendur mbi 300 anëtarë të Dumës shtetërore.
Pra, lindi pyetja – pse vetë Presidenti Putin po i shpëtonte sanksioneve të tilla, shkruan CNN
Tani doli se Putini dhe ministri i tij i Jashtëm i mirënjohur, Sergei Lavrov, në fund të fundit do t’i nënshtrohen një ngrirjeje asetesh.
Diplomatët më thonë se një ndalim përkatës i udhëtimit nuk është pjesë e tablosë për çiftin, sepse do të ishte problematike të mbyllej mundësia e bisedimeve të ardhshme në tokën evropiane.
Megjithatë, nuk është e qartë se çfarë asetesh ka identifikuar BE-ja, si pjesë e kësaj mase, duke bërë që disa të sugjerojnë se është një lëvizje kryesisht “simbolike”.
Ndërkohë, burime të BE-së më thonë se ideja e shkëputjes së Rusisë nga sistemi i pagesave ndërkombëtare Swift është në tryezë për një paketë të tretë të mundshme sanksionesh.
Mbretëria e Bashkuar ka bërë presion publikisht për këtë masë, por thotë se nuk mund të veprojë në izolim. Disa vende, si Gjermania, kanë hezituar – nga frika se nëse Rusia ndërpritet nga një sistem vendimtar pagesash, Rusia mund të fillojë të ndërpresë furnizimet evropiane me gaz./CNN
