Kryeministri letonez, Arturs Krishanis Kariche ka bërë një deklaratë të fortë ku sipas tij Putini po zhvendos trupa dhe tanke shtesë në territoret e pushtuara të Donbasit.
“Po, sipas informacionit që kam në dispozicion, kjo është pikërisht ajo që po shohim”.
Dy burime të tjera të njohura me inteligjencën amerikane konfirmuan për CNN se trupa shtesë ruse në fakt kanë kaluar kufirin në rajonin e Donbasit që kur presidenti rus Vladimir Putin njohu dy rajonet dhe lëshoi një urdhër për vendosjen e “paqeruajtësve” në Donbas të martën.
Sipas një zyrtari të lartë amerikan të njohur me inteligjencën më të fundit, Rusia ka dislokuar një deri në dy të ashtuquajturat grupe taktike batalioni, formacioni kryesor luftarak i Rusisë, secila prej të cilave përfshin mesatarisht rreth 800 trupa.
CNN nuk e ka verifikuar në mënyrë të pavarur praninë e trupave shtesë ruse në Donbas.
Lëvizjet vijnë pasi SHBA-ja ka lëshuar një paralajmërim të ri për qeverinë ukrainase se inteligjenca më e fundit tregon për një pushtim të plotë rus të afërt, sipas zyrtarëve ukrainas, amerikanë dhe perëndimorë të njohur me këtë çështje.
Paralajmërimi i ri u përcoll të martën në mëngjes me orën lokale të Kievit, sipas tre prej burimeve. Një zyrtar i lartë ukrainas tha se Ukraina nuk e ka verifikuar inteligjencën dhe vuri në dukje se Shtetet e Bashkuara kanë lëshuar paralajmërime të ngjashme më parë, për sulme që përfundimisht nuk u materializuan.
Lajmi për paralajmërimin vjen pasi presidenti ukrainas ka bërë thirrje për vendosjen e një gjendje të jashtëzakonshme në të gjithë vendin duke filluar nga mesnata e natës së sotme në Ukrainë.
Sipas raportimeve të mediave amerikane, orët e ardhshme në Ukrainë priten zhvillime dramatike, ndërkohë SHBA informuan qeverinë ukrainase për një pushtim të mundshëm rus brenda 48 orëve të ardhshme. Ndërsa një zyrtar amerikan konfirmoi duke thënë se presidenti ukrainas është informuar në Shtëpia e Bardhë mbi inteligjencën.
“Një pushtim rus në një shkallë të gjerë është i pashmangshëm brenda 48 oreve”.
